Quba Regional Perinatal Mərkəzinin komandası 28-ci həftəsində doğulan körpənin həyatını xilas edib. Bu haqda ShimalNews 27 may tarixində məlumat verir.
Ağır vəziyyətdə mərkəzə çatdırılan ananın qeysəriyyə edilməsinə qərar verilib. Əməliyyatı həkim cərrah-ginekoloq Mahirə Əfəndiyeva və reanimatoloq Vüsalə Nuhbalayeva icra ediblər.
Dünyaya gələn oğlan uşağının çəkisi 1100 qram təşkil edib. Onun ağ ciyərlərinə dövlət təminatlı “Crosurf” preparatı yeridilib və tənəffüs dəstəyi təmin olunub.
Sonda ana və körpəsi sağlam şəkildə evə yola salınıblar.
