Quba məktəbliləri və onların valideynləri onlayn təhdid və təhlükələr barədə, həmçinin onlarla mübarizə yolları haqqında maarifləndiriliblər. Bu haqda ShimalNews 10 fevral tarixində məlumat verir.
“Azercell”in həyata keçirdiyi layihə çərçivəsində iştirakçılara sertifikatlaşdırılmış beynəlxalq təhlükəsizlik məktəbinin proqramı əsasında dərslər keçirilib. Onlar aşağıdakı mövzularla tanış olurlar:
∙ virtual tanışların yoxlanılması;
∙ şəxsi məlumatların sosial şəbəkələrdə istifadəsi və qorunması;
∙ şəxsi məlumatların daxil edilməsini tələb edən müsabiqələrdə iştirakdan imtina;
∙ şəbəkədə fırıldaqçıların və cinayətkarların əsas hiylələri;
∙ trollinq, kiberbullinq (onlayn qısnama) və ya qeyri-münasib onlayn davranış hallarında kimə və ya hara müraciət etmək.
Dərslər “GID CSR Consulting” QHT-nin peşəkar təlimçiləri tərəfindən aparılıb.
