Qubada vətəndaşların etibarından sui-istifadə edilərək onlara 57 min manat ziyan vurulub. Bu barədə ShimalNews 17 yanvar tarixində DİN-in mətbuat xidmətinə istinadən xəbər verir.
Polis əməkdaşları daxil olan məlumat əsasında əməliyyat-axtarış tədbirləri keçiriblər. Nəticədə rayon sakini Zəkəriyyə İsmayılov saxlanılıb. O, səlahiyyəti olmadığı halda, bir neçə şəxsə problemlərinin həllinə dair vədlər verərək onlara külli miqdarda ziyan vurub.
Həmin şəxs ifadəsində etdiyi dələduzluq əməllərini etiraf edib. Məhkəmənin qərarı ilə onun barəsində həbs qətimkan tədbiri seçilib.
