Qubanın Zərdabi qəsəbəsində ağacəkmə aksiyası keçirilib. Bu barədə ShimalNews 8 mart tarixində məlumat verir.
Tədbir Quba Rayon İcra Hakimiyyətinin və Azərbaycan Respublikası Dövlət Gömrük Komitəsinin Xaçmaz Gömrük İdarəsinin birgə təşkilatçılığı ilə baş tutub.
Aksiyada Quba Rayon İcra Hakimiyyətinin başçısı İlqar Mahmudov, Xaçmaz Gömrük İdarəsinin rəisi Pərviz Rəhimov, Rayon İcra Hakimiyyətinin və Xaçmaz Gömrük İdarəsinin məsul şəxsləri və qəsəbə ictimaiyyətinin nümayəndələri iştirak ediblər.
Ərazidə təmizlik və abadlıq işləri aparılıb, müxtəlif cinsli 200-ə yaxın ağac əkilib, yeni əkilən tinglər suvarılıb və ərazidəki digər ağaclara aqrotexniki qaydada qulluq göstərilib.
