Qubada sürücülər narkotik qəbul edərək sükan arxasına oturublar. Bu barədə ShimalNews 13 iyun tarixində məlumat verir.
Dövlət Yol Polisi Bölməsinin əməkdaşları tərəfindən profilaktik tədbirlər keçirilib. Nəticədə narkotiklərin təsiri altında olan 10 nəfər saxlanılıb.
Tibbi müayinə zamanı həmin şəxslərin marixuana, heroin və psixotrop maddə olan metamfetamin qəbul etdikləri məlum olub. Toplanan materiallar hüquqi qiymət verilməsi üçün məhkəməyə göndərilib.
