Bu gün Qubanın icra başçısı İlqar Mahmudovun vətəndaşlarla səyyar görüşü baş tutub. Bu haqda ShimalNews 13 fevral tarixində məlumat verir.
Qəbulda Zərdabi qəsəbə İnzibati Ərazi Dairəsi (İƏD) üzrə sakinlər iştirak ediblər. İlk növbədə Vətən müharibəsi şəhidləri Musa Məhəmmədovun və Səttər Piriyevin bulaq-xatirə kompleksləri, həmçinin Zərdabi qəsəbə tam orta məktəbinin qarşısında qoyulmuş Birinci Qarabağ müharibəsi şəhidi Bayram Şixəmirovun büstü önünə güllər düzülüb.
Vətəndaşlara rayonumuzda görülmüş işlər barədə məlumat verilib. Sonra onlar tərəfindən qaldırılan məsələlərin həlli məqsədilə aidiyyəti şəxslər yerindəcə lazımi tapşırıqlar alıblar.
Qəbuldan sonra Zərdabi parkı, buradakı milli mətbuatımızın banisi Həsən bəy Zərdabinin büstü, İkinci Dünya müharibəsi iştirakçılarının xatirəsinə inşa edilmiş parkla tanışlıq olub.
