Qubada Xocalı soyqırımının 32-ci ildönümünə həsr olunmuş konfrans keçirilib. Bu haqda ShimalNews 24 fevral tarixində GİKM-in Quba-Xaçmaz regional nümayəndəliyinə istinadən xəbər verir.
“Xocalı soyqırımını unutmadıq, unutdurmarıq!” adlı konfrans çərçivəsində qonaqlar gənclərin faciəyə həsr olunmuş rəsm əsərlərindən ibarət sərgi ilə tanış olublar. Daha sonra iştirakçılar çıxışlarında bildiriblər ki, Xocalı soyqırımı Azərbaycan tarixinə ən dəhşətli və faciəli səhifələrdən biri kimi daxil olub.
Daha sonra tədbir bədii hissə ilə davam edib. ADPU-nun Quba filialında təhsil alan tələbələrin hazırladığı Xocalı sakinlərinin üzləşdiyi qəddarlığı özündə əks etdirən tamaşa nümayiş olunub, şeirlər və vətənpərvər musiqilər səsləndirilib.
Konfrans Gənclərin İnkişaf və Karyera Mərkəzinin Quba-Xaçmaz regional nümayəndəliyi və Azərbaycan Dövlət Pedaqoji Universitetinin Quba filialının birgə təşkilatçılığı ilə həyata keçirilib.
