Azərbaycan Skautlar Assosiasiyasının baş katibi, Quba-Xaçmaz iqtisadi regionunun nümayəndəsi ölkəmizi Birləşmiş Krallıqda təmsil edəcək. Bu haqda ShimalNews 26 yanvar tarixində məlumat verir.
Ülvi Məmmədov Skaut Hərəkatı Təşkilatının (World Organization of the Scout Movement) Avropa Regionunda olan milli skaut təşkilatlarının 9-11 fevral tarixlərində keçiriləcək baş katiblərinin görüşündə iştirak edəcək.
Şərqi Londonda yerləşən və Skautinq hərəkatının simvolik və mühüm məkanı olan “Gilwell Park” adlı fəaliyyət mərkəzində reallaşacaq Baş Katiblər Şəbəkəsi görüşünün məqsədi təcrübələri bölüşmək, ümumi problemlərə yeni və innovativ həllər təqdim etmək və müvafiq mövzuları müzakirə etmək üçün hər bir üzv təşkilatdan baş katibləri bir araya gətirməkdir.
Azərbaycan Skautlar Assosiasiyası 2000-ci ildən 2023-cü ilin oktyabr ayınadək 60 milyon gənci birləşdirən nəhəng təşkilat olan Ümumdünya Skaut Hərəkatı Təşkilatının Avrasiya Regionunda fəaliyyət göstərib. 2023-cü ilin oktyabr ayından isə Avropa Regionuna üzv seçilib.
