Qubanın Üçgün kəndindən olan Vətən müharibəsi iştirakçısının toy məclisi baş tutub. Bu haqda ShimalNews 23 aprel tarixində məlumat verir.
Məclisdən öncə Nemət Eldarov, həyat yoldaşı və qonaqlar Dağlı kəndində İkinci Qarabağ müharibəsi şəhidi Yaşar Xudayevin adını daşıyan "Yaşar bulağı" xatirə bulaq kompleksi və Quba Şəhidlər xiyabanını ziyarət ediblər.
Daha sonra tədbir Quba şəhərində yerləşən şadlıq sarayında davam edib. Toyda iştirak edən Rayon İcra Hakimiyyətinin şöbə müdiri Asəf Şirinov yeni ailə quranlara həyat yollarında uğurlar arzulayıb.
