Quba Rayon Polis Şöbəsinin (RPŞ) təşkilatçılığı ilə tam orta internat məktəbində narkomaniyanın fəsadlarından bəhs edən maarifləndirmə tədbiri keçirilib. Bu haqda ShimalNews 19 yanvar tarixində məlumat verir.
Polkovnik-leytenant Gürel Məmmədov “Narkomaniyaya yox deyək” mövzusunda çıxış edib.
O, narkotik vasitələrin insanlar üçün yaratdığı problemlərdən danışıb. Sonra isə ölkəboyu həyata keçirilən mübarizə əməliyyatları barədə şagirdləri məlumatlandırıb.
Sonda məktəbliləri maraqlandıran suallar cavablandırılıb və mövzuya aid sosial çarxlar nümayiş etdirilib.
