Qusar və Xaçmaz rayonlarında atların xüsusi təhlükəli xəstəliklərinə qarşı monitorinqlər keçiriləcək. Bu barədə ShimalNews 5 may tarixində AQTA-ya istinadən məlumat verir.
15-20 may tarixlərində keçiriləcək yoxlamalarda Qida Təhlükəsizliyi Agentliyinin və Qida Təhlükəsizliyi İnstitutunun Mərkəzi Baytarlıq Laboratoriyasının mütəxəssisləri iştirak edəcəklər.
Onlar ailə və fermer təsərrüfatlarında saxlanan atlar arasında manqo, kontagioz metrit, Afrika taunu, rinopnevmoniya və at qripinə qarşı laborator müayinələr aparacaqlar.
Eləcə də maarifləndirmə təbliğat tədbirlərinin həyata keçirilməsi və epizootoloji məlumatların toplanaraq təhlil edilməsi nəzərdə tutulub.
Daha öncə, dəfələrlə atların özlərinə və sürücülərə avtomobil yollarında təhlükə yaratmalarını gündəmə gətirmişdik. Bu heyvanlar daha çox qış aylarında tələf olur. Zərər çəkən nəqliyyat vasitələrinin sürücüləri atların sahiblərini tapa bilmirlər.
