İcbari Tibbi Sığorta üzrə Dövlət Agentliyinin Tibbi Planlama Departamentinin rəhbəri Hikmət İbrahimli və idarənin digər məsul şəxsləri, Litvanın Milli Tibbi Sığorta Fondunun nümayəndə heyəti və media işçiləri Quba Rayon Mərkəzi Xəstəxanasında olublar. Bu barədə ShimalNews 20 aprel tarixində məlumat verir.
Səfər çərçivəsində qonaqlar Quba və Qusar sakinləri üçün yaradılan Həkim Məsləhət Komissiyası ilə tanış olublar. Burada H.İbrahimli vurğulayıb ki, layihənin icrasına ilkin olaraq, Quba RMX-da başlanılıb.
Həmçinin vətəndaşların rahatlığı və məlumatların əlçatan olması üçün burada kompüter və monitorlar quraşdırılıb. Onların vasitəsi ilə yeni təsdiq edilmiş əlilliyin müəyyən olunması meyarları ilə tanış ola bilirlər.
