Quba Rayon İcra Hakimiyyətinin başçısı növbəti vətəndaş qəbulunu keçirib. Bu haqda ShimalNews 13 mart tarixində məlumat verir.
Susay kənd inzibati ərazi dairəsi üzrə sakinlərin səyyar qəbulunda Ağsaqqallar Şurasının sədri, rayonun bütün idarə, müəssisə və təşkilatlarının rəhbərləri iştirak ediblər.
Görüşdən öncə İlqar Mahmudov aidiyyəti şəxslərlə birlikdə Susay kəndində yerləşən 1918-ci ildə Azərbaycana köməyə gələn xilaskar türk ordusunun könüllülərindən olan naməlum əsgərin məzarına və Susay kənd tam orta məktəbində yaradılmış Birinci Qarabağ müharibəsi şəhidi Aynəddin Babayevin xatirə guşəsinə baş çəkib.
