Bu gün Qubada vakant direktor vəzifəsinə işə qəbul üzrə imtahan keçirilib. Bu haqda 15 aprel tarixində ShimalNews Quba-Xaçmaz Regional Təhsil İdarəsinə istinadən məlumat verir.
Qusar, Quba, Xaçmaz, Şabran və Siyəzən rayonlarında ümümilikdə 60 nəfər namizəd imtahana qatılıb. 80 dəqiqə davam edən müsabiqədə iştirakçılara tənqidi oxu bacarığı üzrə 15, riyazi və məntiqi düşünmə üzrə 15, təhsil qanunvericiliyi üzrə 15 sual təqdim edilib.
Test imtahanı mərhələsi Quba-Xaçmaz RTİ-nin tabeliyində fəaliyyət göstərən şagird sayı 151-dən 500 nəfərədək olan ümumi təhsil müəssisələrində direktor vəzifəsini icra etmək istəyənlər üçün keçirilib.
