Quba Rayon İcra Hakimiyyəti başçısının sabiq müavininin barəsindəki hökmdən kassasiya şikayətinə baxılıb. Bu haqda ShimalNews 16 yanvar tarixində “Pravda.az”a istinadən məlumat verir.
Ali Məhkəmədə hakim Hafiz Nəsibovun sədrliyi ilə keçirilən prosesdə rüşvətə təhrik etmə və dələduzluqda təqsirləndirilən Xanlar Heybətov barədə qərar elan olunub. Qərara əsasən, sabiq məmurun mülkiyyətində olan 0,12 ha həyətyanı torpaq sahəsinin üzərinə qoyulmuş həbs ləğv edilib və həmin torpaq sahəsi həbsdən azad olunub.
Daha öncə RİH başçısının müavini vəzifəsində çalışarkən Heybətovun tanışı Mustafayevlə birgə aldatma yolu ilə özgə əmlakını ələ keçirmək məqsədilə dələduzluq etmələri barədə məlumat verilib.
