Quba rayonunda 2 nəfər narkotacir saxlanılıb. Bu haqda ShimalNews 29 dekabr tarixində DİN-in Mətbuat Xidmətinə istinadən məlumat verir.
Qonaqkənd Polis Bölməsinin əməkdaşları tərəfindən keçirilən əməliyyat tədbirləri zamanı narkotik vasitələri əldə etməsi, saxlaması, daşıması və satmasında şübhəli bilinən Sumqayıt şəhər sakinləri İsmət Süleymanov və Vüsal Məstiyev tutulublar.
Onlar əvvəlcədən planlaşdırılmış yerə gələrək oradan 1 kiloqramdan artıq narkotik vasitəni aparmaq istəyərkən yaxalanıblar.
Faktla bağlı cinayət işi başlanılıb. Məhkəmənin qərarı ilə Süleymanov və Məstiyev barəsində həbs qətimkan tədbiri seçilib.
[video width="1920" height="1080" mp4="https://shimal.news/storage/photos/2023/12/Sequence-01_118.mp4"][/video]
