Ucqar Qrız kəndində qış nə qədər sərt olsa da, sakinləri bu çətin şəraitdən usanmırlar. Bu haqda ShimalNews 13 fevral tarixində AzTV-yə istinadən məlumat verir.
Kənd dəniz səviyyəsindən 2100 metr yüksəklikdə yerləşir. Burada vaxtı ilə 8.000 nəfər əhali olub, indi cəmi 300 sakin yaşayır.
“Biz artıq bura vərdişli olmuşuq. Burda gözümüzü açmışıq, buranın şəraitinə, iqliminə uyğunlaşmışıq. Bizim üçün heç bir çətinlik olmur. Yolumuz işləyir, yayda digər tərəfdən yolumuz işləyir. Qış vaxtı isə hal-hazırda durduğumuz yerdən rayon mərkəzinə gedib-gələ bilirik”, - deyə kənd sakini Alim Seyidov deyir.
Bəzi mənbələrdə kəndin 5.000 illik tarixi olduğu bildirilir. Amma təəssüf ki, tarix hələ də tədqiq edilməyib. Ətrafındakı qədim qəbiristanlıqlar da burda yaşayışın eramızdan əvvəl də olduğunu sübut edir.
“Qrızda 1864-cü ildə çəkilən şəkil var məndə. Qrızda 725 təsərrüfat olub o vaxtı. Həmin şəkil də evdədir. Xaçmazın 32 obası Qrızda olub, indi köçüb gediblər burdan”, - deyə sakin Gülbala Bünyadov danışıb.
[video width="1920" height="1080" mp4="https://shimal.news/storage/photos/2024/02/Sequence-018.mp4"][/video]
