Dövlət Ekoloji Təhlükəsizlik Xidmətinin əməkdaşları Quba rayonunda çınqıl-qum qarışığının qanunsuz daşınmasını aşkar ediblər. Bu barədə ShimalNews 29 fevral tarixində məlumat verir.
Qaraçayın 1-ci Nügədi kəndi, Qudyalçayın Hacıqayıb kəndi ərazisindən keçən hissələrində fəaliyyət göstərən karxanalardan, Quba-Bakı avtomobil yolunun 15-ci km-dən, Vəlvələçayın Talabı kəndi ərazisindən keçən hissəsindən çınqıl-qum qarışığının qanunsuz daşınması qeydə alınıb.
Bununla bağlı Tofiq Bayramov, Vasif Rüstəmov, “Bermud” firmasının iş icraçısı İsmayıl Əliyev, Abşeron rayon sakini Salman Qasımov barəsində akt, protokol tərtib edilib və qanunamüvafiq tədbirlər görülüb.
