“Yaşıl dünya naminə həmrəylik ili” elan edilməsi ilə bağlı Quba şəhərində tədbir keçirilib. Bu barədə ShimalNews 24 aprel tarixində məlumat verir.
Rayon İcra Hakimiyyətinin (RİH) təşkilatçılığı ilə Nizami Gəncəvi adına Mədəniyyət və İstirahət Parkının ərazisində təmizlik və abadlıq işləri aparılıb. Ərazidə olan yaşıllıqlar suvarılmış, ağaclara aqrotexniki qaydada qulluq göstərilmişdir.
Təşkil edilən aksiyada RİH-nin məsul şəxsləri və əməkdaşları, həmçinin “Təmiz Quba” Mənzil Kommunal Təsərrüfat Birliyinin kollektivi iştirak etmişdir. Məqsəd isə ekoloji vəziyyətin sağlamlaşdırılması, cəmiyyətdə ekoloji mədəniyyəti və təbiətə qayğını təbliğ etmək ənənələrini davam etdirmək, ətraf mühitin qorunmasına töhfə verməkdən ibarət olub. 
