Qubada 10 mart – Milli Teatr Gününə həsr edilmiş tədbir keçirilib. Bu haqda ShimalNews 7 mart tarixində məlumat verir.
Tədbir iştirakçıları əvvəlcə "Azərbaycan cəmiyyətində teatrın rolu" adlı kitab sərgisinə, eləcə də ümummilli lider Heydər Əliyevin teatr xadimləri ilə görüşlərindən ibarət fotostendlərə baxış keçiriblər. Mədəniyyət işçilərinin və Quba Könüllülər Teatrının üzvlərinin iştirakı ilə keçirilən Azərbaycan teatrının 151-ci ildönümünə həsr edilən dəyirmi masada milli teatrın inkişaf tarixindən, teatr sahəsində əldə edilən nailiyyətlərdən, teatr sənətinə göstərilən dövlət qayğısından söz açılıb.
Daha sonra tədbir Könüllülər teatrının ayrı-ayrı tamaşalardan hazırladıqları səhnəciklərin nümayişi ilə davam etdirilib.
