Qubada “Uşaq hüquqları aylığı” çərçivəsində tədbir keçirilib. Bu haqda ShimalNews 16 noyabr tarixində Rayon İcra Hakimiyyətinə istinadən məlumat verir.
Maarifləndirici görüş 1-ci Nügədi kənd 1 nömrəli tam orta məktəbində baş tutub. BMT-nin Uşaq hüquqları haqqında Konvensiyasının qəbul edilməsinin ildönümü ərəfəsində təşkil edilən tədbirdə uşaqlara diqqət və qayğının daha da artırılması, uşaq hüquqlarının həyata keçirilməsinin və onların daha effektiv müdafiəsinin təmin olunması barədə danışılıb.
Tədbirdə RİH-nin məsul şəxsləri Mariyə Məmmədova, Qəmbər Abdullayev, Azərbaycan Respublikasının İnsan Hüquqları üzrə Müvəkkilinin Şimal regional mərkəzinin rəhbəri Bəhruz Əfəndiyev, Quba-Xaçmaz Regional Təhsil İdarəsinin əməkdaşı Gülər Vəlimuradova və Quba Rayon Polis şöbəsinin İctimai təhlükəsizlik bölməsinin polis-leytenantı Coşqun İsmixanov və məktəblilər iştirak ediblər.
