Qubada “Aqronomluq” ixtisasının şagirdləri üçün ekskursiya səfəri təşkil edilib. Bu haqda ShimalNews 21 fevral tarixində Dövlət Məşğulluq Agentliyinə istinadən məlumat verir.
Alekseyevka kənd tam orta məktəbinin peşə təmayüllü siniflərinin şagirdləri Meyvəçilik və Çayçılıq Elmi-Tədqiqat İnstitutunun inzibati binasında olublar.
Məktəblilərə əmək bazarında tələb olunan aktual peşə və ixtisaslar barədə məlumat verilib, həmçinin aqronom peşəsi barədə təqdimat edilib. Daha sonra yeniyetmələr İnstitutun laboratoriyalarında olub, onlara torpağın analizi, ağacın yetişdirilməsi ilə bağlı texnologiyalar və digər sahələr üzrə məlumatlar verilib.
