Qubada "Nə? Harada? Nə zaman?" intellektual oyunu üzrə tələbələr arasında rayon birinciliyi keçirilib. Bu haqda ShimalNews 30 dekabr tarixində məlumat verir.
31 Dekabr - Dünya Azərbaycanlılarının Həmrəyliyi Gününə həsr olunmuş yarış Olimpiya İdman Kompleksinin intellektual oyunlar zalında təşkil edilib.
Birincilikdə ADPU Quba filialı, Quba Tibb kolleci və Quba Peşə liseyini təmsil edən 8 komanda iştirak edib. Peşə liseyini təmsil edən “Turizm” komandası 1-ci yerə, ADPU Quba filialını təmsil edən “Las Veqas” komandası 2-ci yerə, “Mübariz” komandası 3-cü yerə layiq görülüb.
Qaliblər kubok, medal və diplomlarla təltif ediliblər.
