Quba sakininin ölü kimi qeydiyyatda olması barədə qətnamə ləğv edilib. Bu haqda ShimalNews 1 may tarixində Bizim.Media-ya istinadən məlumat verir.
11 ildən çoxdur rayon qeydiyyat şöbəsində sağ ikən ölmüş kimi qeydə alınan Abil Zeynalovun statusu bərpa edilib.
"Biz Quba rayon məhkəməsinə müraciət etdik. Üç dəfə məhkəmə prosesi keçirildi. Yerli icra nümayəndəliyindən verilən lazımi sənədləri və qardaşımın, həqiqətən də, Rusiyada sağ olması ilə bağlı yanındakı şahidlərə istinadən hazırlanan sənədi də məhkəməyə təqdim etdik. Məhkəmə əvvəlki qətnaməni ləğv etdi və qardaşımın sağ olması barədə yeni qətnamə verdi", - zərərçəkənin qardaşı Nazim Zeynalov bildirib.
Nazim Zeynalovun sözlərinə görə, qardaşının Vətənə dönməsi Rusiyanın Yekaterinburq şəhərində yerləşən Azərbaycan konsulluğundan asılıdır.
Rustov kənd sakini, 68 yaşlı Abil Zeynalovun Vətənə qayıda bilməməsi haqda məlumat vermişdik.
