Qubanın icra başçısı İlqar Mahmudov İkinci Nügədi kənd sakinləri ilə görüşüb. Bu barədə ShimalNews 20 fevral tarixində Rayon İcra Hakimiyyətinə (RİH) istinadən məlumat verir.
Tədbirdə rayon prokuroru, Dövlət Təhlükəsizliyi Xidmətinin rayon şöbəsinin rəisi, Ağsaqqallar Şurasının sədri, idarə, müəssisə və təşkilatların rəhbərləri iştirak ediblər.
Vətəndaşlar tərəfindən qaldırılan məsələlərin həlli məqsədilə aidiyyəti şəxslərə yerindəcə lazımi tapşırıqlar verilmişdir.
Qəbuldan əvvəl İ. Mahmudov aidiyyəti şəxslərlə birlikdə 44 günlük Vətən müharibəsində şəhid olmuş Lətifov Eynulla Niyətulla oğlunun İkinci Nügədi kəndində yaradılmış xatirə bulağı və İkinci Nügədi kənd 3 nömrəli tam orta məktəbin qarşısında inşa edilmiş Şəhidlər xatirə kompleksi ilə tanış olub.
