"Quba - İdman Paytaxtı 2024"ün açılış mərasimi keçirilib. Bu barədə ShimalNews 15 yanvar tarixində məlumat verir.
Tədbr Gənclər və İdman Nazirliyinin və Quba Rayon İcra Hakimiyyətinin birgə təşkilatçılığı ilə baş tutub. Burada tamaşaçılara maskot "Fuji" təqdim edilib.
Daha sonra nazir Fərid Qayıbov idman paytaxtının rəmzi açarını icra başçısı İlqar Mahmudova təhvil verib.
Ardınca sambo üzrə dünya və Avropa çempionatlarının mükafatçısı Zaur Paşayev və peşəkar MMA döyüşçüsü, 4 qat dünya çempionu Vüqar Kərəmov çıxış ediblər.
Sonra isə idmançıların paradı və tanınmış müğənnilərin iştirakı ilə konsert proqramı təşkil olunub.
