Quba Rayon İcra Hakimiyyətinin başçısı İlqar Mahmudov Səbətlər kəndində sakinlərlə görüşüb. Bu barədə ShimalNews 12 yanvar tarixində məlumat verir.
Görüşdə Polis Şöbəsinin rəis müavini, rayon Ağsaqqallar Şurasının sədri, rayonun bütün idarə, müəssisə və təşkilatlarının rəhbərləri iştirak ediblər.
İlk öncə kəndin mərkəzində inşa edilmiş Şəhidlər xatirə kompleksinin və Səbətlər kənd tam orta məktəbinin qarşısında qoyulmuş Birinci Qarabağ müharibəsi şəhidi Məmmədov Elman Yusif oğlunun büstünün önünə gül dəstələri qoyulub.
Sakinlər tərəfindən qaldırılan məsələlərlə bağlı aidiyyəti şəxslərə yerindəcə lazımi tapşırıqlar verilib. Eləcə də rayonda görülmüş işlər barədə ətraflı məlumat verilib.
