Qubada İlqar Mahmudov Qırmızı Qəsəbədə vətəndaşların qəbulunu keçirib. Bu haqda ShimalNews 23 fevral tarixində məlumat verir.
Sakinlərlə görüşdə rayon prokuroru, Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinin rəisi, rayonun bütün idarə, müəssisə və təşkilatlarının rəhbərləri iştirak ediblər.
Səyyar qəbul zamanı icra başçısı vətəndaşlar tərəfindən qaldırılan məsələlərin həlli məqsədilə aidiyyəti şəxslərə yerindəcə lazımi tapşırıqlar verib.
Tədbirdən əvvəl İlqar Mahmudov və digər rəsmi şəxslər şəhid Ramin Abdulrəhimovun xatirə guşəsini, həmçinin Vətən müharibəsi şəhidləri Aydəmir Hacıyev və Yaşar Xudayevin bulaq-xatirə komplekslərini ziyarət ediblər.
