Ermənistan silahlı qüvvələrinin Azərbaycan Ordusunun Laçın istiqamətindəki mövqelərini atəşə tutması nəticəsində yaralanan Qubanın Rustov kəndindən olan hərbçimizin son durumu məlum olub. Bu barədə ShimalNews 14 aprel tarixində xəbər verir.
Hal-hazırda müddətdən artıq xidmət edən (MAXE) Nurlan İbrahimov Tibb Universitetinin Tədris Cərrahiyyə Klinikasında müalicə alır. Onun ailə üzvləri artıq bu gün onu ziyarət edə biliblər.
Məlumata görə, Nurlanın sinəsindən dəyən güllə belindən çıxıb. Nəticədə 3 qabırğası sınıb və ağ ciyəri zədələnib.
Hadisə aprelin 11-də Gorus rayonunun Dığ yaşayış məntəqəsi istiqamətində baş verib. Ermənistan silahlı qüvvələrinin ordumuzun mövqelərini atəşə tutması nəticəsində 3 hərbçimiz şəhid olub və yaralananlar var.
[caption id="attachment_39782" align="alignnone" width="640"]
Foto açıq mənbələrdən[/caption]
