Quba rayonunda “BÜTÖV - Qərbi Azərbaycana Qayıdış Prosesində Gənclərin Rolunun Artırılması” proqramı çərçivəsində düşərgəyə start verilib. Bu haqda ShimalNews 11 noyabr tarixində Oxu.az-a istinadən məlumat verir.
3 gün davam edən düşərgədə 50 gənc iştirak edir. Proqramın keçirilməsində əsas məqsəd Qərbi Azərbaycanın tarixinin, Azərbaycan həqiqətlərinin təbliği, yerli və beynəlxalq səviyyədə gənclərin iştirakçılığının artırılması, Qərbi Azərbaycanla bağlı multimedia, elektron resursların bolluğunun yaradılması, eləcə də gənclər arasında tarixi torpaqlarımız haqqında məlumatlılığın artırılmasıdır.
Proqramın növbəti mərhələlərində təşəbbüs qrupları tərəfindən Qərbi Azərbaycanın tarixi həqiqətlərini özündə ehtiva edən videoçarxların, eləcə də müxtəlif dillərdə məqalələrin hazırlanması planlaşdırılır.
