Bu gün Antiterror əməliyyatı nəticəsində şəhid olan Emral Vüqar oğlu Həsənovun mövlud günüdür. Bu barədə ShimalNews 6 yanvar tarixində məlumat verir.
Dadaşov 6 yanvar 2002-ci ildə Quba rayonunun Səbətlər kəndində Birinci Qarabağ savaşı veteranı Vüqar Həsənovun ailəsində dünyaya gəlib.
Emral Dadaşov 2020-2021-ci illərdə həqiqi hərbi xidmətdə olub və Azərbaycan Ordusunun Əsgəri kimi Vətən müharibəsində iştirak edib. Döyüş zamanı iki dəfə yüngül yaralanıb, amma döyüş yoluna davam edib.
7 ay öncə isə yenidən həyatını ordu, hərb ilə bağlayıb. O, Qusar rayonunda yerləşən “N” saylı hərbi hissədə (KOMANDO) MAXE kimi fəaliyyətə başlayıb.
Emral keçən il sentyabr ayının 19-da Azərbaycan Ordusunun Qarabağ iqtisadi rayonunda keçirdiyi lokal xarakterli antiterror tədbirləri zamanı qəhrəmancasına şəhidlik məqamına ucalıb.
O, Vətən müharibəsindən sonra “Füzulinin azad olunmasına görə” və “Vətən müharibəsi iştirakçısı” medalları ilə təltif olunub.
Saat 11:30-da şəhidin Səbətlər kənd qəbiristanlığında məzarı ziyarət olunacaq. Ziyarətdən sonra, saat 13:00-da evində ehsan süfrəsi veriləcək.
İştirak etmək istəyən hər kəs dəvətlidir.
[caption id="attachment_54217" align="alignnone" width="640"]
[/caption]
