Payız-qış mövsümü ilə bağlı Azərbaycanda qrip əleyhinə vaksinasiyaya başlanılıb.
Bakupost.az-ın məlumatına görə, sentyabrın 10-dan etibarən TƏBİB-in tabeliyindəki tibb müəssisələrində böyüklər və 6 aydan yuxarı olan uşaqlar peyvənd edilir. Bu prosesdə “Abbott” şirkətinin istehsalı olan preparatlarından istifadə olunur.
Qrip əleyhinə peyvənd olunmaq istəyən vətəndaşlar regionlar üzrə TƏBİB-in tabeliyindəki rayon mərkəzi xəstəxanalarının ambulator-poliklinik xidmət göstərən ilkin səhiyyə müəssisələrində ödənişsiz olaraq yararlana bilər.
Qeyd edək ki, qrip əleyhinə peyvənd olunmaq könüllülük prinsipi əsasında həyata keçirilir.
