Qubanın Qəçrəş kəndində Ramazan bayramı özünəməxsus qeyd edilir. Bu barədə ShimalNews 22 aprel tarixində məlumat verir.
Adətə uyğun olaraq, bayrama 1 həftə öncədən hazırlıq işlərinə başlanılır. İməcilik işləri görülür, cavanlar yaşlı nəsli ziyarət edir, uşaqlar üçün hədiyyələr hazırlanır. Bayram günü isə küçələrdə uşaqlara və kimsəsizlərə sovqatlar hədiyyə olunur.
Maraqlısı odur ki, Novruz bayramında kənddə papaq atmaq adəti yoxdur. Lakin Ramazan bayramında balaca uşaqlar istədikləri qapını döyərək bayramlaşıb öz paylarını alırlar. Böyüklər isə tanıyıb-tanımadığı qapıya yaxınlaşsa, həmin evin qonağı olar. Onlar üçün imkanı olanlar təamlar bişirir, samovar qaynadıb süfrələr açırlar.
[caption id="attachment_40238" align="alignnone" width="640"]
Photo Shimal.News[/caption]
