İsmayıllı rayon sakininə məxsus avtomobildən pul oğurlanıb. Bu barədə ShimalNews 3 oktyabr tarixində Daxili İşlər Nazirliyinin Mətbuat Xidmətinə istinadən məlumat verir.
Hadisə paytaxtın Bakıxanov qəsəbəsi ərazisində baş verib. Ruslan Teymurovun “Toyota” markalı avtomobilindən onun tanışına məxsus 8400 manat pulu oğurlanıb.
Polis əməkdaşları əməliyyat tədbirləri keçiriblər. Nəticədə oğurluğun həmin avtomobilin sahibi tərəfindən törədilməsinə əsaslı şübhələr müəyyən edilib. R.Teymurov saxlanılıb.
Araşdırma aparılır.
