Şimal bölgəsində olan seçki komissiyalarının üzvləri üçün treninqlərə start verilib. Bu haqda ShimalNews 17 yanvar tarixində “Azərtac”a istinadən məlumat verir.
Bu gündən başlayaraq növbədənkənar prezident seçkiləri ilə əlaqədar 55 saylı Siyəzən-Quba-Xızı, 56 saylı Şabran-Xaçmaz, 57 saylı Xaçmaz şəhər, 58 saylı Xaçmaz kənd, 59 saylı Quba, 60 saylı Quba-Qusar və 61 saylı Qusar seçki dairələri üzrə məntəqə seçki komissiyalarının üzvləri üçün təlimlər keçirilir.
Hər bir iştirakçıya "Seçki günü üçün yaddaş” kitabçası, eləcə də səsvermənin nəticələri haqqında protokol nümunəsi və bir sıra digər zəruri metodiki vəsaitlər, əyani materiallar təqdim olunur.
