Mərkəzi Bank Quba şəhərində səyyar qəbul keçirib. ShimalNews bu haqda 2 mart tarixində xəbər verir.
Görüş zamanı vətəndaşların müraciətləri dinlənilib. Müraciətlər, əsasən, kredit borcuna güzəşt olunması, Mərkəzləşdirilmiş Kredit Reyestrindən məlumatların silinməsi, kredit istəyi, zaminin kredit borcunun ödənilməsindən azad edilməsi, borcun akseptsiz qaydada tutulması, eyni zamanda daşınmaz əmlakın icbari sığortası, avtonəqliyyat vasitəsi sahiblərinin mülki məsuliyyətinin icbari sığortası və aqrar sığorta məsələləri ilə bağlı olub.
Onlara müvafiq izahatlar verilib, vətəndaşlar araşdırma tələb edən məsələlərlə bağlı yazılı müraciət ediblər.
Bank fəaliyyəti ilə əlaqəli bəzi problemlər yerindəcə həllini tapıb. Həmçinin digər insanlara müraciətlərinin araşdırmasının nəticəsi barədə əlavə məlumat veriləcəyi bildirilib, onlara maarifləndirici bukletlər paylanılıb.
