İsmayıllı Rayon Mərkəzi Xəstəxanasında yeni dünyaya gələn körpələrdən neonatal skrininq və ya daban testi götürülür. Bu barədə ShimalNews 12 yanvar tarixində məlumat verir.
Daban testi uşaqdan ilk üç gün ərzində götürülür. O, metabolik və ya irsi xəstəlikləri zamanında aşkarlamaq və 35-ə yaxın xəstəliyi təyin etmək imkanı verir.
Körpələrin daban nahiyəsindən bir neçə damcı qan götürülür və filtr kağızın üzərinə hopdurulur. Testin cavabı üç həftə ərzində məlum olur.
