İsmayıllıda 17 İyun - Tibb işçilərinin peşə bayramı münasibətilə İsmayıllı Rayon Mərkəzi xəstəxanasında tədbir keçirilib. Bu haqda ShimalNews 17 iyun tarixində RİH-yə istinadən xəbər verir.
Xəstəxananın direktoru Vidadi Rəhimov həkim və tibb heyətini peşə bayramı münasibətilə təbrik edib. O, əhalinin sağlamlığının qorunmasında yorulmadan fəaliyyət göstərən bu şərəfli peşə sahiblərinə müvəffəqiyyətlər arzulayıb.
Daha sonra RİH başçısının müavini Sevil Əhmədova rayon rəhbərliyi adından həkimləri və tibb işçilərini təbrik edib. Onlara ən xoş arzularını çatdırıb və xəstəxananın həkim-cərrahı Həsənpaşa Paşayevə 70 illik yubileyi və səhiyyədəki səmərəli fəaliyyətinə görə RİH başçısının Təşəkkürnaməsini təqdim edib.
Eyni zamanda fəaliyyətlərinə görə fərqlənən 35 həkim və tibb işçisi xəstəxana rəhbərinin Fəxri Fərmanı ilə təltif edilib.
