İsmayıllıda Vətən müharibəsi şəhidi Cəmil Məmmədlinin xatirəsinə həsr edilən film nümayiş olunub. Bu haqda ShimalNews 28 noyabr tarixində məlumat verir.
“Elə bir ömür yaşayacam ki...” filminin təqdimatında Millət vəkili Novruzəli Aslanov, hüquq-mühafizə orqanlarının rəhbərləri, RİH-nin əməkdaşları, idarə, təşkilat rəhbərləri, şəhid ailələri, müharibə iştirakçıları, şəhidin təhsil aldığı universitetin şəhid ailələri və müharibə iştirakçıları ilə işlərin təşkili qrupunun rəhbəri iştirak ediblər.
Tədbirdə çıxış edən şəhidin anası Aygün Məmmədova filmin ərsəyə gəlməsində əməyi olan hər kəsə öz minnətdarlığını bildirib. İştirakçılar şəhid Cəmilin həyat və döyüş yolunu əks etdirən sərgiyə baxış keçiriblər.
Daha sonra GÜNTV Media Qrupun rəhbəri Mehriban Sadıqovanın ssenarisi əsasında çəkilmiş film nümayiş olunub.
