İsmayıllıda gənclər üçün “Rəqəmsal gənclik” layihəsi çərçivəsində növbəti təlim keçirilib. Bu barədə ShimalNews 22 dekabr tarixində İsmayıllı GİKM-ə istinadən məlumat verir.
Təlim Dövlət Peşə Təhsil Mərkəzinin (DPTM) və Gənclərin İnkişaf və Karyera Mərkəzi nümayəndəliyinin birgə təşkilatçılığı ilə baş tutub.
Təlimçi GİKM-in İctimaiyyətlə əlaqələr üzrə mütəxəssisi Leyla Cavadlı olub. O, Qrafik dizayner və Geyim üzrə dizayner ixtisasında təhsil alan tələbələrə müvafiq sahələrdə biliklər, rəng psixologiyası “Canva” proqramının ilkin anlayışları, düzgün rəng və şrift seçimi mövzuları haqqında ətraflı məlumat verib.
