İsmayıllıda ətraf mühitin mühafizəsinin gücləndirilməsi məqsədilə nəzarət tədbirləri keçirilib. Bu barədə ShimalNews 2 dekabr tarixində Daxili İşlər Nazirliyinin Mətbuat Xidmətinə istinadən məlumat verir.
Polis əməkdaşları tərəfindən tədbirlər keçirilib. Nəticədə rayonun Şəbiyan kəndi ərazisində yaş halda olan ağacları kəsən şəxslər müəyyən ediliblər. Onların barəsində İnzibati Xətalar Məcəlləsinin müvafiq maddəsi ilə protokol tərtib edilib və toplanmış materiallar qərar qəbul edilməsi üçün Ekologiya və Təbii Sərvətlər Nazirliyinin regional idarələrinə göndərilib.
