İsmayıllıda ailə münaqişəsi zəminində 37 yaşlı kişi nənəsini vurub. Bu barədə ShimalNews 21 aprel tarixində Qaynarinfo-ya istinadən məlumat verir.
Nənə izahatında bildirib ki, hadisə gecə saat 02:00-da baş verib. Şafiq ondan tez-tez pul istəyib. Sonuncu dəfə qadın ona pulunun olmadığını deyib. Onların arasında mübahisə yaranıb və hadisə baş verib.
Şafiq nənəsi ilə barışmağa hazır olduğunu bildirib. Lakin qadın onu bağışlamayıb. Nəticədə İnzibati Xətalar Məcəlləsinin 157-ci maddəsi ilə protokol tərtib edilərək məhkəməyə göndərilib.
Məhkəmə hadisəni törədəni təqsirli bilib və 20 gün müddətində inzibati həbs edib.
