İsmayıllıda meşə ilə həmsərhəd ərazidə yanğın hadisəsi baş verib. Bu haqda ShimalNews 27 noyabr tarixində xəbər verir.
Hadisə noyabrın 26-sı axşam saatlarında baş verib. Ekologiya və Təbii Sərvətlər Nazirliyinin Meşələrin İnkişafı Xidmətinin yerli qurumları, Fövqəladə Hallar Nazirliyinin Dövlət Yanğından Mühafizə Xidmətinin əməkdaşları və kənd sakinləri hadisə ilə əlaqədar əraziyə cəlb olunublar.
"Yanğınsöndürmə tədbirləri nəticəsində yanğın söndürülüb və meşəyə keçməsinin qarşısı alınıb”, - deyə Meşələrin İnkişafı Xidmətinin rəisi Cabbar Qəribov deyib.
