İsmayıllı rayonunda yerləşən “İsma bikes”da il ərzində 50 mindən çox velosiped istehsal edilir. Bu haqda 18 aprel tarixində ShimalNews İctimai TV-yə istinadən məlumat verir.
Ölkənin və Qafqazın yeganə velosiped zavodu 2016-cı ildən fəaliyyətə başlayıb. Müəssisənin direktoru Səidə Fətullazadə bildirib ki, istehsal olunan velosipedlər paytaxt və regionlarda satılır. Azərbaycan brendi olan “Toba” modelinin gələcəkdə xarici bazarlara ixrac ediləcəyi gözlənilir.
Nəqliyyat vasitələrinin ehtiyat hissələri dünyanın müxtəlif ölkələrindən - Yaponiyadan, Çindən, Malayziyadan gətirilir. Zavodda dağ, şose, turistik, sadə, sürətli, uşaqlar üçün, hətta qatlanan velosipedlər belə istehsal olunur. Onlar Qarabağ, Xəzri, Dərviş, Zəfər və digər milli adları daşıyırlar.
“İsma bikes”da 40-dan çox əməkdaş çalışır, onların, demək olar ki, hamısı rayon sakinləridir.
[caption id="attachment_39980" align="alignnone" width="640"]
Foto İctimai TV[/caption]
