İsmayıllı şəhərində və kəndlərdə Şaxta baba və Qar qızla birlikdə şəhid və qazi övladlarının, aztəminatlı və xüsusi qayğıya ehtiyacı olan uşaqların ailələri ziyarət olunub. Bu haqda ShimalNews 28 dekabr tarixində xəbər verir.
Tədbir Dünya Azərbaycanlılarının Həmrəyliyi Günü və Yeni il bayramı ərəfəsində təşkil olunub. Ailə, Qadın və Uşaq Problemləri üzrə Dövlət Komitəsinin İsmayıllı Uşaq və Ailələrə Dəstək Mərkəzinin əməkdaşları uşaqlara bayram hədiyyələri təqdim ediblər.
Rayonun dağ kəndləri olan Maçaxı və Bilistanda yaşayan uşaqlarla görüş xüsusilə yaddaqalan olub.
