Bu dəfə "Həkimlərimizi tanıyaq!" rubrikasında İsmayıllı Rayon Mərkəzi Xəstəxanasının pediatrı Aytən Əliyeva olub. Bu barədə ShimalNews 13 dekabr tarixində məlumat verir.
Dr. Aytən 22 iyul 1973-ci ildə İsmayıllı rayonunda anadan olub. 1991-ci ildə N.Nərimanov adına ADTİ-nin Pediatriya fakültəsinə daxil olub, 1998-1999-cu illərdə Bakı şəhər 6 Saylı Uşaq Kliniki Xəstəxanasında həkim-internasını keçib.
Bundan sonra o, uşaq xəstəxanasında anestezioloq həkim vəzifəsinə təyin olunub. 2010-cu ildən İsmayıllı Rayon Mərkəzi Xəstəxanasının Pediatriya şöbəsində pediatr, 2015-ci ildən həmin şöbənin müdiri vəzifələrində çalışıb. 2021-ci ildən İsmayıllı Rayon Mərkəzi Xəstəxanasının Uşaq şöbəsində pediatr kimi fəaliyyətini davam etdirir.
