İsmayıllıdan olan fermer Mehman Soltanov artıq 8 ilə yaxındır ki, təsərrüfatındakı qoyunları keçilərlə əvəz edib. Bu barədə ShimalNews 9 dekabr tarixində Kanal S-ə istinadən məlumat verir.
Uzun illərdir heyvandarlıqla güzəranını təmin edən Soltanov bildirir ki, keçi dağlıq ərazidə yaxşı yetişir. Onun ətinə, südünə, həm də pendirinə tələbat daha böyükdür. Keçinin piyindən, ətindən, südündən dərman vasitəsi kimi də yararlananlar az deyil.
İnəklər, qoyunlar, eləcə də camışlarla müqayisədə keçilərin otlaq sahələri daha çoxdur. Onlar üçün meşələr, dağlar, qayalıq ərazilər uyğundur. Xüsusilə payız ayları qida üçün daha əlverişlidir. Ağaclarda olan yarpaqlar və meyvələr yerə töküldüyündən yemə çevrilirlər.
Fermer mənfi məqamlara da toxunub. O bildirib ki, keçiləri xəstəlikdən qorumaq çətindir. Bu heyvanlar bruselyoz xəstəliyinə daha tez yoluxur. Digər çətin məsələ bu dəcəlləri vəhşi heyvanların hucumundan müdafiə etməkdir. Həm də çəkidə qoyunlar keçilərdən daha ətli olur.
[video width="1920" height="1080" mp4="https://shimal.news/storage/photos/2022/12/bbez-uskoreniy.mp4"][/video]
