İsmayıllı rayonunda at və sahibini sel aparması barədə sosial şəbəkələrdə paylaşılan videogörüntülərlə bağlı DİN tərəfindən açıqlama verilib. Bu barədə ShimalNews 1 may tarixində Oxu.az-a istinadən məlumat verir.
“Paylaşımlarda görüntülərin rayonun Zərnava kəndi ərazisində qeydə alındığı iddia olunub. Qeyd edək ki, həmin hadisə ilə bağlı rayon polis şöbəsinə məlumat daxil olmasa da, iddialarla bağlı ilkin araşdırma aparılıb. Araşdırma zamanı görüntülərin təxminən 2021-ci ilə aid olduğu müəyyən edilib. Belə ki, rayonun Qaraqaya kənd sakini olan bir nəfər çaya düşən atını çıxarmaq üçün özü də suya atılıb. Həmin hadisədə də hər hansı bir ölüm və xəsarət faktı qeydə alınmayıb”, - deyə baş inspektor, polis kapitanı Mahir Məsimov bildirib.
Daha öncə İsmayıllıda at və sahibini sel aparmasının görüntüləri ilə bölüşmüşdük.
