İsmayıllıda bir neçə kəndin sakinləri suvarma suyundan istifadə edə bilmirlər. Bu barədə ShimalNews 25 dekabr tarixində məlumat verir.
Bu hal Talış, Aşıq Bayramlı, Kürdmaşı, Hapıtlı, Qarakolluq kəndlərində, eyni zamanda Yekəxana su anbarında müşahidə olunur. Artıq bir neçə aydır ki, su qıtlığı fermerlərə zərər vurur.
İsmayıllı rayon Suvarma Sistemləri İdarəsi səbəbi açıqlayıb. Bildirib ki, suvarma mövsümünün başa çatması ilə əlaqədar torpaq kanallara beton üzlüyü çəkilir. Bu səbəbdən su təminatı dayandırılıb. Təqribən 20-25 gün ərazində proses başa çatdıqda suyun verilməsi bərpa ediləcək.
