İsmayıllının Quşencə kənd sakini dəm qazından zəhərlənərək ölüb. Bu barədə ShimalNews 5 dekabr tarixində Azərtac-a istinadən məlumat verir.
Məlumata görə, 43 yaşlı Asif Mustafayev Qəzli kəndində özünə tikdiyi yeni evində dünyasını dəyişib. O, kustar üsulla quraşdırılan sobadan çıxan dəm qazından zəhərlənib.
Mərhumun ailə üzvləri hadisədən gec xəbər tutublar. Qardaşı evə gələrkən onun cəsədini aşkar edib.
Hadisə yerinə hüquq-mühafizə orqanlarının əməkdaşları baxış keçiriblər. Faktla bağlı İsmayıllı rayon Prokurorluğu tərəfindən araşdırma aparılır.
